Во Музејот на љубовта и уметноста – Радовиш, денес се одржа втората форумска сесија во рамките на проектот „Зајакнување на општинските совети“.
Во фокусот на средбата беа предлог-проектите и можностите за нивна реализација, при што учесниците ги разгледаа критериумите, ги презентираа своите идеи и разменија мислења за нивното понатамошно унапредување.
Во текот на сесијата беа формирани и работни групи, кои ќе продолжат со разработка на конкретни предлог-проекти. Дополнително, беше презентиран начинот на подготовка и структурата на предлог-проектите.
Со ваквите активности, Општина Радовиш продолжува да поттикнува активно учество, партнерство и отворен дијалог во креирањето на локалните политики и иницијативи од интерес за граѓаните.
