Форумот се реализира во рамки на проектот „Нула биоотпад: Системски промени во партнерство со граѓаните“, чија цел е да поттикне одржливо управување со биоотпадот, поголема еколошка свест и активно вклучување на граѓаните во заштитата на животната средина.
Проектот е поддржан од програмата „Цивика мобилитас“, финансирана од Владата на Швајцарија, а го спроведува Здружението за еколошко одржлив развој „Зелен институт“ во партнерство со Националното здружение на сопственици на приватни шуми.
Радовиш продолжува да биде домаќин и активен партнер во иницијативи кои придонесуваат за зачувување на животната средина и создавање поодржлива иднина за сите граѓани.
