Денеска во Радовиш имав чест да ја пречекам амбасадорката на Сојузна Република Германија во Македонија, Петра Дрекслер, со која остварив средба и разговаравме за можностите за унапредување на соработката, локалниот развој и реализацијата на идни проекти од значење за Општина Радовиш и нашите граѓани.
Разговаравме за можностите за воспоставување и продлабочување на соработката со германските институции и партнери, особено во насока на поддршка на локалниот развој, привлекување нови можности и реализација на проекти кои ќе придонесат за подобар и поквалитетен живот на граѓаните.
За време на посетата, покрај официјалната средба во Општина Радовиш, амбасадорката Петра Дрекслер имаше можност да го посети и храмот „Св. Троица“ – еден од најзначајните духовни и културно-историски симболи на нашиот град.
Ми претставува особено задоволство што Радовиш беше домаќин на оваа значајна посета. Верувам дека денешните разговори се уште еден чекор кон создавање нови партнерства и конкретни можности за развој на нашата општина.
Љупче Почивалец
Градоначалник на Општина Радовиш
