Денеска пред голем број на гости, ученици и нивните родители беше откриена бистата на Никола Карев во дворот на училиштето
Оваа откривање на биста во дворот на училиштето кое го носи неговото име во Радовиш, е како дел од активностите поврзани со одбележување на патрониот празник.
Директорот на училиштето Кире Јанковски искажа благодарност до сите кои помогнаа да се реализира оваа активност посебно до донаторите на бистата фамилијата Ѓоргиеви, помагателите Општина Радовиш, Ѓуровски, Лаки ММ , ГП Техника, дијаспората од Чикаго, а дел од средствата за оваа активност се обезбедени од буџетот на ООУ Никола Карев.
Бистата ја изработи академски вајар Далибор Николовски Дачо од Штип, кој заедно со директорот и Градонаалникот Ацо Ристов ја открија оваа биста. Исто така за време на денешната програма и церемонија продефелира и коњаницата заедно со интонирање на химната на Македонија, а учениците го прочитаа и Крушевскиот манифест.
