Заедничкото креирање на локалните политики и приоритети претставува процес кој има за цел да изнајде решенија за предизвиците со кои се соочува локалната заедница.
Бидејки ЕЛС општина Радовиш веќе со полн интетнзитет ги подготвува годишните програми за работа на Буџетот за 2023 год. – денес Градоначалникот Ацо Ристов одржа работни состаноци со претседателите на урбаните и месните заедници во општина Радовиш.
„Граѓанското учество е најважно во дефинирањето на приоритетите и превземањето на акции за надминување на проблемите во локалната заедница“ – истакна Градоначалникот.
Од страна на претседателите и претставниците беа презентирани сите проблеми со кои жителите секојдневно се соочуваат како и најважните приоритети од заеднички интерес за сите граѓани.
